جمعیت علمائے اسلام (ف) کے سربراہ مولانا فضل الرحمان نے کہا ہے کہ اگر پاکستانی افواج میں اتنی طاقت ہے کہ وہ چار گھنٹوں میں بھارت کو زیر کر سکتی ہیں، تو اسی قوت کے ساتھ وہ چند گھنٹوں میں اسرائیل کو بھی ختم کرنے کی صلاحیت رکھتی ہیں۔
ختم نبوت و دفاع پاکستان کانفرنس سے خطاب کرتے ہوئے مولانا فضل الرحمان کا کہنا تھا کہ امتِ مسلمہ اس وقت کئی محاذوں پر نبرد آزما ہے۔ انہوں نے تجویز دی کہ اسلامی ممالک کو ایک مشترکہ اسلامی بلاک تشکیل دینا چاہیے، اور مسلم حکمرانوں کو چاہیے کہ وہ دفاعی لحاظ سے ایک مشترکہ معاہدہ کریں جسے بیت اللہ کی آزادی کے لیے بروئے کار لایا جا سکے۔
انہوں نے مزید کہا کہ اسرائیل حرمین شریفین پر قبضے کی بات کرتا ہے جبکہ ہم صرف دو ریاستی حل کی بات کرتے ہیں۔
