قومی ایئر لائن کے طیارے میں فنی خرابی کے باعث بین الاقوامی پروازوں کا شیڈول شدید متاثر ہوگیا، جس کے نتیجے میں 39 پروازیں تاخیر کا شکار ہیں۔ ترجمان کے مطابق پیرس میں بوئنگ 777 کے خراب ہونے سے یہ صورتحال پیش آئی۔ شیڈول میں تبدیلی کے باعث لاہور سے دبئی جانے والی دو پروازیں (PK-203 اور PK-204) منسوخ کر دی گئیں، جبکہ اسلام آباد سے پیرس جانے والی پرواز 22 گھنٹے کی تاخیر کے بعد صبح 9 بجے روانہ ہوئی۔ اسی طرح اسلام آباد سے کوالالمپور جانے والی پرواز (PK-894) بھی آٹھ گھنٹے تاخیر کا شکار ہے۔