امریکہ کے وزیرِ خارجہ مارکو روبیو نے کہا ہے کہ ہم روزانہ اس بات پر نظر رکھتے ہیں کہ پاکستان اور بھارت کے درمیان کیا صورتحال ہے، کیونکہ جنگ بندی کسی بھی وقت ختم ہو سکتی ہے۔ ایک پروگرام میں گفتگو کرتے ہوئے انہوں نے پاک بھارت جنگ بندی کے حوالے سے کہا کہ اسے برقرار رکھنا ایک نہایت مشکل عمل ہے۔ ان کے مطابق، ہم مسلسل خطے کی صورتحال کی نگرانی کر رہے ہیں۔ مارکو روبیو نے مزید کہا کہ ہم خوش قسمت ہیں کہ ہمارے پاس ایک ایسا صدر (ڈونلڈ ٹرمپ) موجود ہے جس نے امن کے قیام کو اپنی انتظامیہ کی اولین ترجیح بنایا ہے۔