بنگلا دیش کرکٹ بورڈ (بی سی بی) نے نیدرلینڈز کے خلاف ہوم ٹی ٹوئنٹی سیریز اور ایشیا کپ 2025 کے لیے 16 رکنی اسکواڈ کا اعلان کردیا ہے۔ لٹن داس کو ٹیم کی قیادت سونپی گئی ہے۔

اعلان کے مطابق بنگلا دیش اور نیدرلینڈز کے درمیان تین میچوں کی ٹی ٹوئنٹی سیریز 30 اگست سے 3 ستمبر تک ڈھاکا میں کھیلی جائے گی۔

دوسری جانب ایشیا کپ 9 سے 28 ستمبر تک متحدہ عرب امارات میں ہوگا، جہاں بنگلا دیش کو گروپ بی میں رکھا گیا ہے۔ ٹیم اپنا پہلا میچ 11 ستمبر کو ہانگ کانگ کے خلاف کھیلے گی، اس کے بعد 13 ستمبر کو سری لنکا اور 16 ستمبر کو افغانستان کے ساتھ مدمقابل ہوگی۔

بنگلا دیشی اسکواڈ:
لٹن داس (کپتان)، تنزید حسن، پرویز حسین، سیف حسن، توحید ہری دوئے، جاکر علی، شمیم حسین، قاضی نورالحسن، مہدی حسن، ریشاد حسین، ناصم احمد، مستفیض الرحمان، تنزیم حسن، تسکین احمد، شرفل اسلام اور سیف الدین۔