کراچی:

عالمی اور مقامی مارکیٹوں میں تیکنیکی درستگی کے باعث سونے اور چاندی کی قیمتوں میں دوبارہ کمی کا رحجان غالب ہوگیا۔

تفصیلات کے مطابق کاروباری ہفتے کے پہلے روز ہی بین الاقوامی بلین مارکیٹ میں فی اونس سونے کی قیمت 33ڈالر کی کمی سے 4ہزار 080ڈالر کی سطح پر آگئی۔

عالمی مارکیٹ میں کمی سے مقامی صرافہ مارکیٹوں میں بھی پیر کو 24قیراط کے حامل فی تولہ سونے کی قیمت 3ہزار 300روپے کی کمی سے 4لاکھ 30ہزار 362روپے کی سطح پر آگئی ہے۔

فی دس گرام سونے کی قیمت بھی 2ہزار 829روپے کی کمی سے 3لاکھ 68ہزار 966روپے کی سطح پر آگئی ہے۔

اسی طرح فی تولہ چاندی کی قیمت 27روپے کی کمی سے 5ہزار 097روپے اور دس گرام چاندی کی قیمت بھی 24روپے کی کمی سے 4ہزار 369 روپے کی سطح پر آگئی۔