امریکی صدر ڈونلڈ ٹرمپ نے نیویارک میں عرب اسلامی سربراہی اجلاس کے اختتام پر پاکستان کے وزیرِاعظم محمد شہباز شریف اور وزیرِخارجہ اسحاق ڈار سے ملاقات کی۔ اس موقع پر دونوں رہنماؤں کے درمیان خوشگوار ماحول میں غیر رسمی گفتگو ہوئی جس میں خطے کی صورتحال سمیت باہمی دلچسپی کے امور پر تبادلہ خیال کیا گیا۔
وزیراعظم شہباز شریف نے عرب اسلامی سربراہی اجلاس میں شرکت کی، جہاں مختلف مسلم ممالک کے سربراہان نے بھی عالمی و علاقائی مسائل پر اپنی آراء پیش کیں۔ اجلاس کے دوران فلسطین اور غزہ کی صورتحال پر خصوصی بات چیت کی گئی اور امن قائم کرنے کے لیے مشترکہ کوششوں پر زور دیا گیا۔
دریں اثنا ترک صدر رجب طیب اردوان نے امریکی صدر اور مسلم ممالک کے رہنماؤں کی ملاقات کو نہایت اہم اور مفید قرار دیا، اور کہا کہ اس طرح کے روابط عالمی سطح پر امن، تعاون اور باہمی افہام و تفہیم کے فروغ میں مددگار ثابت ہوتے ہیں۔
