ملک بھر کی صرافہ مارکیٹوں میں سونے کی قیمت میں نمایاں کمی دیکھنے میں آئی ہے۔ آل پاکستان جیمز اینڈ جیولرز ایسوسی ایشن کے مطابق فی تولہ سونا 2 ہزار روپے سستا ہو کر 3 لاکھ 96 ہزار 800 روپے کا ہوگیا ہے۔ اسی طرح 10 گرام سونے کی قیمت بھی 1 ہزار 714 روپے گھٹنے کے بعد 3 لاکھ 40 ہزار 192 روپے تک پہنچ گئی ہے۔

ایسوسی ایشن کے مطابق عالمی مارکیٹ میں بھی سونے کی قیمت میں 20 ڈالر فی اونس کی کمی ریکارڈ کی گئی ہے، جس کے بعد نرخ 3 ہزار 750 ڈالر فی اونس رہ گئے ہیں۔