وزیراعظم محمد شہباز شریف اور بنگلہ دیش کے چیف ایڈوائزر پروفیسر محمد یونس کے درمیان اقوام متحدہ کی جنرل اسمبلی کے 80ویں اجلاس کے موقع پر سائیڈ لائن ملاقات ہوئی۔ اس دوران دونوں رہنماؤں نے پاکستان اور بنگلہ دیش کے تعلقات کو مزید مضبوط بنانے، دوطرفہ تعاون بڑھانے، تجارت کے فروغ اور علاقائی تعاون پر تبادلہ خیال کیا۔
وزیراعظم شہباز شریف نے اس عزم کا اعادہ کیا کہ پاکستان باہمی احترام، اعتماد، رواداری اور علاقائی ترقی کی بنیاد پر تعلقات کو مزید مستحکم بنانا چاہتا ہے۔ بنگلہ دیش کے چیف ایڈوائزر نے پاکستان کے مثبت کردار اور سفارتی تعلقات میں بہتری کو خوش آئند قرار دیا۔
