دنیا بھر میں ہوئے حالیہ مطالعات سے ملنے والی شواہد کی روشنی میں یہ بات سامنے آئی ہے کہ معتدل مقدار (3 سے 4 کپ روزانہ) کافی پینے سے خواتین کی عمر میں اضافہ اور صحت بہتر ہو سکتی ہے۔

ماہرین نے انکشاف کیا ہے کہ کافی پینے سے خصوصاً درمیانی عمر کی خواتین میں صحت مند طویل زندگی کے امکانات بڑھ جاتے ہیں۔

پہلی تحقیق ہارورڈ یونیورسٹی کی ہے جو 30 سال پر محیط ہے۔ اس میں 47,000 سے زائد خواتین (عمر 45 سے 60 سال) پر تحقیق کی گئی جس میں 3,700 صحت مند خواتین کی نشاندہی ہوئی

روزانہ 2 سے 4 کپ کافی پینے والی خواتین کے صحت مند بڑھاپے کے امکانات میں 2 سے 5٪ اضافہ ہوا۔ مزید برآں صرف کیفین ہی نہیں، بلکہ کافی میں موجود polyphenols اور antioxidants نے سوزش کم کی، دماغی فنکشن بہتر کیا اور شوگر اور دل کی بیماریوں کا خطرہ بھی کم ہوا۔

85 مطالعات کا تجزیے نے یہ بھی ظاہر کیا کہ معتدل کافی پینے سے اوسطاً 1.8 سال صحت مند زندگی میں اضافہ ہوتا ہے۔ یہ دل کی بیماری، کینسر، سانس، ذیابیطس اور دماغی بیماریوں سے ممکنہ تحفظ فراہم کرتا ہے۔

بی بی سی نے بھی رپورٹ کیا کہ 3 کپ روزانہ سے عمر میں 1 سے 2 سال اضافہ ہوتا ہے۔ جگر کی صحت، دماغی تیزی، موڈ میں بہتری، اور ڈپریشن کے خطرے میں کمی بھی نوٹ کی گئی۔