پاکستان کی جانب سے پاک بھارت کرکٹ میچ کے ریفری کو تبدیل کرنے کے مطالبے کے بعد ایشین کرکٹ کونسل صورتحال کو سنبھالنے کی کوشش کر رہی ہے۔
جیو نیوز کے مطابق، پی سی بی نے ریفری اینڈی پائیکرافٹ کو ہٹانے پر اپنے سخت مؤقف کا اعادہ کیا ہے اور واضح کیا ہے کہ اگر انہیں نہ ہٹایا گیا تو پاکستان بقیہ میچز نہیں کھیلے گا۔
بھارتی میڈیا کے مطابق، ایشین کرکٹ کونسل تنازع کو ختم کرنے کے لیے درمیانی حل تلاش کر رہی ہے۔ اس سلسلے میں پی سی بی کے سامنے مختلف تجاویز رکھی گئی ہیں، جن میں سے ایک یہ ہے کہ پائیکرافٹ کو پورے ٹورنامنٹ سے نہیں بلکہ صرف پاکستان کے میچز سے الگ کیا جائے۔ رپورٹس کے مطابق، پاکستان کے میچز میں ان کی جگہ رچی رچرڈسن کو ریفری مقرر کرنے کا امکان ہے۔
