امریکی وفاقی اپیلز کورٹ نے سابق صدر ڈونلڈ ٹرمپ کی جانب سے عائد کیے گئے بیشتر ٹیرف کو غیر قانونی قرار دے دیا۔ میڈیا رپورٹس کے مطابق عدالت کے 11 میں سے 7 ججوں کا مؤقف تھا کہ ٹرمپ نے ٹیرف عائد کرتے وقت اپنے اختیارات سے تجاوز کیا، کیونکہ صدر کو صرف ایمرجنسی اکنامک پاورز ایکٹ کے تحت محدود اختیارات حاصل ہیں۔ عدالت نے حکم دیا کہ یہ ٹیرف 14 اکتوبر تک برقرار رہیں گے تاکہ ٹرمپ انتظامیہ کو سپریم کورٹ میں اپیل دائر کرنے کا موقع مل سکے۔ یہ فیصلہ ایسے وقت میں سامنے آیا ہے جب ٹرمپ نے فیڈرل ریزرو کے گورنر کو برطرف کرنے کی بھی کوشش کی تھی۔