اسلام آباد میں نائب وزیراعظم اسحاق ڈار نے کہا کہ بھارت کا ’’نیو نارمل‘‘ بیانیہ ختم ہو چکا ہے اور اب اگر بات چیت ہوگی تو وہ برابری کی بنیاد پر ہوگی۔ انہوں نے کہا کہ اگر بھارت مذاکرات چاہتا ہے تو ہمیں اعتراض نہیں، لیکن اگر نہیں چاہتا تو بھی ہمیں کوئی مسئلہ نہیں، ہم کسی کو مجبور نہیں کر رہے کہ ہر صورت مذاکرات کرائے جائیں۔ اسحاق ڈار نے مزید کہا کہ افغانستان کے ساتھ ہمارا واحد مطالبہ یہ رہا ہے کہ وہ کالعدم تحریک طالبان کے خلاف کارروائی کرے، ٹی ٹی پی کو پاکستان کے حوالے کرے یا کم از کم انہیں ہماری سرحدوں سے دور کرے۔ افغانستان کی جانب سے دیے گئے احتجاجی مراسلے کی وجوہات بھی ہم جائزے میں لائیں گے۔
