وزیراعظم شہباز شریف نے عطیات کے عالمی دن کے موقع پر قوم سے سیلاب متاثرین کی امداد اور تعاون میں اضافہ کرنے کی اپیل کی ہے۔ اپنے پیغام میں انہوں نے کہا کہ پاکستان آج دنیا کے ساتھ مل کر عطیات کے عالمی دن پر معاشرتی فلاح، بہبود، امداد اور باہمی رواداری کی اہمیت کو اجاگر کرتا ہے۔ وزیراعظم کا کہنا تھا کہ اس دن کے موقع پر میں پاکستانی عوام اور بیرونِ ملک مقیم پاکستانیوں کو یاد دہانی کرواتا ہوں کہ وہ سیلاب کے بعد ریلیف اور بحالی کے کاموں میں اپنے ہم وطنوں کی بھرپور مدد کریں۔ انہوں نے کہا کہ باہمی تعاون اور مدد کے جذبے کے تحت ہم ایک قوم کی حیثیت سے ترقی، خوشحالی اور ایک باوقار و مضبوط مستقبل کے لیے پرعزم ہیں۔