وفاقی وزیر منصوبہ بندی احسن اقبال نے کہا ہے کہ سی پیک فیز ٹو پاکستان اور چین کے باہمی تعاون کو نئی بلندیوں تک لے جائے گا۔ انہوں نے چین کے شہر تیانجن کا دورہ کیا جہاں ہوان شینگ نیو انرجی سولر پلانٹ کا معائنہ کیا اور دونوں ممالک کے درمیان تعاون کے نئے مواقع پر تبادلہ خیال کیا۔ اس موقع پر احسن اقبال نے کہا کہ سی پیک فیز ٹو بندرگاہوں، قابلِ تجدید توانائی اور لائیو اسٹاک سیکٹر کے فروغ کے لیے وسیع امکانات رکھتا ہے۔ ان کے مطابق ہوان شینگ پلانٹ چوتھی صنعتی انقلاب کی سطح کا خودکار منصوبہ ہے، اور پاکستان بھی ایسے جدید توانائی منصوبوں سے بھرپور فائدہ اٹھا سکے گا۔