عالمی ادارہ صحت نے پاکستان میں حالیہ سیلاب کے بعد بڑھتے ہوئے وبائی امراض پر گہری تشویش ظاہر کی ہے۔ میڈیا رپورٹس کے مطابق ڈبلیو ایچ او کی رپورٹ میں بتایا گیا ہے کہ سیلاب کے نتیجے میں ڈینگی کے کیسز میں 46 فیصد اور ملیریا میں 26 فیصد اضافہ ریکارڈ کیا گیا ہے۔ بلوچستان اور سندھ میں ڈائریا تیزی سے پھیل رہا ہے، جبکہ خیبرپختونخوا میں خارش، جلدی امراض اور سانپ و کتوں کے کاٹنے کے واقعات میں اضافہ دیکھا جا رہا ہے۔ رپورٹ کے مطابق متاثرہ علاقوں میں کئی اسپتال تباہ یا شدید متاثر ہو چکے ہیں، اور اگر فوری اقدامات نہ کیے گئے تو ملک میں مختلف وبائیں جنم لے سکتی ہیں۔