[ad_1]
ملالہ یوسف زئی نے برطانیہ میں تعلیم کے دوران پیش آنے والے ایک واقعے کا تذکرہ کرکے سب کو حیران کردیا۔
برطانوی اخبار کو دیے گئے انٹرویو میں نوبیل انعام یافتہ ملالہ یوسفزئی نے چونکا دینے والے انکشاف میں بتایا کہ آکسفورڈ یونیورسٹی میں دوستوں کے ساتھ ویڈ (Weed) کا نشہ کیا تھا۔
انھوں نے مزید کہا کہ جب نشہ چڑھنے لگا تو مجھے ایسا محسوس ہوا جیسے اچانک لندن سے واپس اپنے گاؤں سوات پہنچ گئی ہوں اور پھر وہی خوف، وہی چیخیں، وہی خون آلود مناظر سامنے آنے لگے۔
ملالہ نے کہا کہ اس قبل میں سمجھتی تھی کہ ماضی کی سب تلخ یادیں بھول چکی ہوں۔ مگر ویڈ نے پلک جھپکتے ہی مجھے پھر 15 سال پرانی ملالہ بنا دیا۔ وہی اسکول بس، وہی حملہ آور، گولیوں کی آواز اور ہر طرف خوف۔
ان کا مزید کہنا تھا کہ نشہ چڑھتے ہی شدید گھبراہٹ کا دورہ پڑا۔ دوستوں نے انھیں ایک کمرے میں لے جا کر سنبھالنے کی کوشش کی۔ مجھے الٹیاں ہو رہی تھیں۔ ایک دوست نے کہا اسپتال نہ جاؤ، خون میں نشے کے اثر کی وجہ سے مسئلہ ہو جائے گا۔
ملالہ یوسف زئی نے اعتراف کیا کہ اُس رات میں بس جاگتی رہی۔ نیند کوسوں دور تھی اور یہی خوف تھا کہ شاید اب دوبارہ زندہ نہ اٹھ سکوں گی۔
[ad_2]
Source link
