کراچی (نامہ نگار) سی پی ایل سی کی تازہ ترین رپورٹ کے مطابق کراچی میں اگست کے دوران اسٹریٹ کرائم کے 5204 واقعات رپورٹ ہوئے جو کہ گزشتہ 7 ماہ میں سب سے زیادہ ہے۔
اگست میں 2678 موٹر سائیکلیں اور 124 گاڑیاں چوری ہوئیں۔
رپورٹ کے مطابق گن پوائنٹ پر 1884 موبائل فون، 502 موٹر سائیکلیں اور 16 گاڑیاں چھینی گئیں، جب کہ بھتہ خوری کے 8 اور قتل کے 44 واقعات رپورٹ ہوئے۔
جولائی کے مقابلے اگست کے دوران گاڑیوں کی چوری میں 33 فیصد اور چوری کی وارداتوں میں 13 فیصد اضافہ ہوا۔
رواں سال کے پہلے 8 ماہ میں اسٹریٹ کرائم کے مجموعی واقعات کی تعداد 39098 تک پہنچ گئی۔
