کراچی: عالمی مارکیٹ میں تیزی کے باعث ملکی صرافہ بازاروں میں بھی سونے اور چاندی کی قیمتوں کو پر لگ گئے۔
منگل کے روز عالمی مارکیٹ میں سونا 46 ڈالر کے اضافے سے 4540 ڈالر فی اونس پر پہنچا، جس کے نتیجے میں مقامی سطح پر فی تولہ سونا 4600 روپے مہنگا ہو کر 4 لاکھ 76 ہزار 362 روپے کا ہو گیا۔
اسی طرح 10 گرام سونے کی قیمت 3944 روپے بڑھ کر 4 لاکھ 8 ہزار 403 روپے ریکارڈ کی گئی۔
دوسری جانب چاندی کی قیمت میں بھی 94 روپے کا اضافہ دیکھا گیا اور فی تولہ چاندی 8153 روپے کی سطح پر بند ہوئی۔