کراچی (نامہ نگار) منگھوپیر میں نیا ناظم آباد پل کے قریب نوجوان ڈرائیور نے موٹر سائیکل سوار باپ بیٹی کو ٹکر مار دی جس کے نتیجے میں 13 سالہ خولہ یونس جاں بحق جب کہ اس کا 40 سالہ باپ محمد یونس زخمی ہوگیا۔
پولیس کے مطابق حادثے کے وقت کار کو 13 سے 14 سال کا لڑکا چلا رہا تھا جسے وہاں موجود لوگوں نے پکڑ کر پولیس کے حوالے کر دیا۔ پولیس نے نوجوان ڈرائیور کو حراست میں لے کر مزید تفتیش شروع کر دی ہے۔
ریسکیو حکام کے مطابق زخمی محمد یونس جاں بحق ہونے والی بچی کا باپ ہے۔ زخمی باپ اور بچی کی لاشوں کو خصوصی ایمبولینس کے ذریعے عباسی شہید اسپتال منتقل کیا گیا۔
