ایم کیو ایم پاکستان کے رہنما امین الحق نے کہا ہے کہ کراچی شدید پانی کے بحران کا شکار ہے۔ ان کا کہنا تھا کہ حب کنال سے 100 ایم جی ڈی پانی کی فراہمی کا منصوبہ افتتاح کے باوجود عوام کو پانی دینے میں ناکام رہا اور کرپشن کی نذر ہوگیا۔ انہوں نے مزید کہا کہ پیپلز پارٹی اور سندھ حکومت کی نااہلیوں نے شہر میں بدانتظامی کی نئی مثال قائم کردی ہے۔ بارشوں کے بعد آج بھی اورنگی اور ڈسٹرکٹ ویسٹ کی کئی گلیاں سیوریج کے پانی میں ڈوبی ہوئی ہیں۔ امین الحق کے مطابق کراچی کے عوام کو اب صرف تقریروں اور دعوؤں کی بجائے عملی اقدامات کی ضرورت ہے۔