نوشہرو فیروز (رپورٹر) خانواہن کے قریب گاؤں شاہنواز خشک میں شادی کی تقریب کے دوران مبینہ فائرنگ کے باعث ایک شخص جاں بحق ہوگیا۔
ایس ایس پی نوشہرو فیروز میر روحل کھوسو کے احکامات کے مطابق شادیوں میں فائرنگ پر پابندی کے باوجود فائرنگ کا سلسلہ جاری رہا۔
فائرنگ کے دوران گردن میں گولی لگنے سے مجاہد خشک شدید زخمی ہوگیا، جسے تشویشناک حالت میں اسپتال منتقل کیا گیا، تاہم وہ زخموں کی تاب نہ لاتے ہوئے جاں بحق ہوگیا۔
علاقہ مکینوں نے شادیوں کی تقریبات میں فائرنگ پر مکمل پابندی پر عملدرآمد کرانے اور قانون کی خلاف ورزی کرنے والوں کے خلاف سخت کارروائی کا مطالبہ کیا ہے۔
