گمبٹ (رپورٹر) گمبٹ کے قریب بہارو تھانے کی حدود میں واقع گاؤں ستابو میں مبینہ طور پر کاری کے الزام میں ایک نوجوان لڑکی کو بے دردی سے قتل کر دیا گیا۔
پولیس کے مطابق مقتولہ سیما دختر رجب باریجو تھی، جسے اس کے چچا علی گل باریجو نے مبینہ طور پر فائرنگ کرکے قتل کر دیا۔ واقعے کے بعد علاقے میں خوف و ہراس پھیل گیا۔
اطلاع ملتے ہی پولیس جائے وقوعہ پر پہنچ گئی اور مقتولہ کی لاش تحویل میں لے کر اسپتال منتقل کر دی، جہاں ضروری قانونی کارروائی اور پوسٹ مارٹم کے بعد لاش ورثا کے حوالے کی جائے گی۔
پولیس کا کہنا ہے کہ واقعے کے مختلف پہلوؤں سے تحقیقات شروع کر دی گئی ہیں، جبکہ ملزم کی گرفتاری کے لیے چھاپے مارے جا رہے ہیں۔ پولیس کے مطابق تحقیقات مکمل ہونے کے بعد واقعے سے متعلق مزید حقائق سامنے آ سکیں گے۔
