کراچی (رپورٹر) ایم ڈی کیٹ کی مبینہ متنازعہ آنسر کیز کے خلاف امیدواروں نے ایڈووکیٹ محمد نواز ڈاہری کے توسط سے سندھ ہائیکورٹ میں آئینی درخواست دائر کردی۔
درخواست میں پی ایم ڈی سی، سکھر آئی بی اے، جناح سندھ میڈیکل یونیورسٹی سمیت 6 فریقین کو شامل کیا گیا ہے۔ درخواست گزاروں نے عدالت سے سوالنامہ اور آنسر کیز 3 روز میں ویب سائٹ پر جاری کرنے کا حکم دینے کی استدعا کی ہے۔
درخواست میں مؤقف اختیار کیا گیا ہے کہ سوالنامہ دستیاب نہ ہونے کے باعث امیدوار آنسر کیز کو مؤثر انداز میں چیلنج نہیں کرسکتے۔ 20 ستمبر کو ہونے والے امتحان میں امیدواروں کو صرف جوابی شیٹ کی کاربن کاپی دی گئی تھی۔
