کراچی (ویب ڈیسک) کراچی کے مختلف علاقوں میں ہلکی بوندا باندی کے باعث موسم خوشگوار ہو گیا، جبکہ گرمی اور حبس میں مزید کمی آنے پر شہریوں نے سکھ کا سانس لیا۔
شاہراہ فیصل، گلشن اقبال، طارق روڈ، بہادر آباد، صدر اور کھارادر سمیت مختلف علاقوں میں وقفے وقفے سے ہلکی بارش ہوئی، جس کے باعث موسم خوشگوار ہو گیا اور ٹھنڈی ہوائیں چلنے لگیں۔
اس کے علاوہ شاہراہ پاکستان، لیاقت آباد، عزیز آباد اور ایف بی ایریا کے مختلف حصوں میں بھی ہلکی بارش کے باعث گرمی کی شدت میں کمی آئی اور موسم مزید دلکش ہو گیا۔
خوشگوار موسم سے لطف اندوز ہوتے ہوئے شہری مختلف مقامات پر سیر و تفریح اور چہل قدمی کرتے نظر آئے۔
