بلوچستان (ویب ڈیسک) سیکیورٹی فورسز نے خاران اور واشک کے اضلاع میں انٹیلی جنس معلومات کی بنیاد پر کارروائیوں میں 11 دہشت گردوں کو ہلاک کرنے کا دعویٰ کیا ہے۔
آئی ایس پی آر کے مطابق 6 ستمبر کو دہشت گردوں نے خاران میں سڑکوں پر رکاوٹیں کھڑی کرکے ٹریفک میں خلل ڈالنے کی کوشش کی، اس دوران فائرنگ کے تبادلے میں 8 دہشت گرد مارے گئے۔ 7 ستمبر کو واشک میں آپریشن کے دوران دہشت گردوں کے ٹھکانے کو تباہ کر دیا گیا جہاں فائرنگ کے تبادلے میں مزید 3 دہشت گرد مارے گئے۔
آئی ایس پی آر کے مطابق ہلاک ہونے والوں کا تعلق بھارتی پراکسی ’فتن الحنودستان‘ سے بتایا جاتا ہے جب کہ کارروائی کے دوران 2.9 ٹن دھماکہ خیز مواد بھی برآمد کیا گیا جو مبینہ طور پر آئی ای ڈی بنانے کے لیے استعمال کیا جا رہا تھا۔ علاقے میں مزید دہشت گردوں کی تلاش اور ان کے خاتمے کے لیے کلیئرنس آپریشن جاری ہے۔
