کراچی (نامہ نگار) اورنگی ٹاؤن میں پسند کی شادی کرنے پر عباس علی نامی شخص کو فائرنگ کر کے قتل کر دیا گیا، واقعے کے بعد فرار ہونے والے ایک ملزم کو شہریوں نے پکڑ کر تشدد کا نشانہ بنایا، جس کے باعث وہ بھی جاں بحق ہو گیا۔
پولیس کے مطابق ملزمان موٹرسائیکل پر فرار ہورہے تھے کہ موٹرسائیکل کی بریک لگ گئی اور آس پاس کے شہریوں نے انہیں پکڑ لیا، اس دوران ایک ملزم کو تشدد کا نشانہ بنایا گیا اور وہ جاں بحق ہوگیا۔
پولیس نے بروقت کارروائی کرتے ہوئے مرکزی ملزم عبدالرحیم اور اس کے ساتھی کو گرفتار کر لیا۔ پولیس کا کہنا ہے کہ گرفتار ملزم نے اپنی ساس اور ایک ساتھی کے ساتھ مل کر اپنے بہنوئی عباس علی کو فائرنگ کرکے قتل کرنے کا اعتراف کیا ہے۔
پولیس کے مطابق گرفتار ملزمان سے واردات میں استعمال ہونے والا اسلحہ اور گولہ بارود بھی برآمد کر لیا گیا ہے جب کہ واقعے کی مزید تفتیش جاری ہے۔
