ڈرگ روڈ انڈر پاس میں پیش آنے والے ٹریفک حادثے میں خاتون سمیت 3 افراد جاں بحق اور ایک خاتون زخمی ہوگئیں۔ ریسکیو حکام کے مطابق لاشوں اور زخمی خاتون کو جناح اسپتال منتقل کردیا گیا ہے۔ جاں بحق افراد میں 40 سالہ حارث اور 40 سالہ شعیب شامل ہیں جبکہ 60 سالہ خاتون کی شناخت تاحال نہیں ہوسکی۔ زخمی خاتون کی شناخت نائلہ زوجہ شعیب کے نام سے ہوئی ہے۔ پولیس کے مطابق حادثے کا شکار تمام افراد موٹر سائیکلوں پر سوار تھے، جنہیں ایک نامعلوم گاڑی نے ٹکر ماری اور فرار ہوگئی۔