گمبٹ (نامہ نگار) ٹنڈومستی کے گاؤں چھوٹی ماڑی میں 12 سالہ بچی دعا بتول عرف حیات کو فروخت کرنے کی خبر سندھ وائس پر نشر ہونے کے بعد لڑکی کے والد عبدالکریم چانڈیو کی مدعیت میں ٹنڈومستی تھانے میں مقدمہ درج کر لیا گیا جبکہ کوئی گرفتاری عمل میں نہیں آئی۔
پولیس کی جانب سے درج کرائے گئے مقدمے کے مطابق لڑکی کے والد عبدالکریم چانڈیو نے اسے 7 سے 8 لاکھ روپے میں بیچ کر اس کی شادی کرائی تھی۔ مقدمے میں انکشاف ہوا ہے کہ ملزم اپنی بیٹی کے گھر گیا اور اسے مبینہ طور پر مارا پیٹا اور کہا کہ وہ اس کی شادی کہیں اور کر دے گا، جس پر لڑکی نے انکار کرتے ہوئے کہا کہ اس کا شوہر گھر پر نہیں ہے اور وہ اس کے ساتھ نہیں جائے گی۔ اس کے بعد ملزم نے اسے مبینہ طور پر دھمکیاں دیں اور تشدد کا نشانہ بنایا اور فرار ہو گئے۔
پولیس کا کہنا ہے کہ واقعے کا مقدمہ دعا بتول عرف حیات کی مدعیت میں درج کرلیا گیا ہے اور ملزم کی گرفتاری کے لیے چھاپے مارے جارہے ہیں۔ انہیں جلد گرفتار کرکے قانون کے مطابق کارروائی کی جائے گی۔
