اوباڑو (رپورٹ: علی رضا راجپوت) اوباڑو کے قریب راونتی تھانے کی کچی آبادی میں ایک اور پولیس ناکے پر شر برادری کے مسلح افراد کی جانب سے دو ڈرون حملے کیے گئے تاہم ڈرون پھٹنے میں ناکامی کے باعث کوئی جانی نقصان نہیں ہوا۔
پولیس کے مطابق ڈرون حملے کے بعد بم ڈسپوزل سکواڈ کو طلب کر لیا گیا ہے۔ واقعے کے بعد پولیس اور عسکریت پسندوں کے درمیان فائرنگ کا سلسلہ جاری ہے۔
پولیس نے کچی آبادی کے علاقے میں سیکورٹی سخت کر دی ہے اور مزید نفری کو طلب کر لیا ہے۔ ڈرون حملے کے بعد علاقے میں خوف وہراس پھیل گیا جب کہ پولیس کا کہنا ہے کہ واقعے کی مزید تحقیقات جاری ہیں۔
