ملیر (رپورٹر) گڈاپ سٹی پولیس نے نوکری کا جھانسہ دے کر فارم ہاؤس بلائی گئی 59 لڑکیوں کے موبائل فون لے کر فرار ہونے والے ملزم کے ساتھیوں میں سے خاتون سمیت 2 افراد کو گرفتار کرلیا۔
پولیس کے مطابق لڑکیوں کو بحریہ ٹاؤن میں ایونٹ اور ملازمت کے نام پر انٹرویو کے لیے انصاری میڈوز فارم ہاؤس گڈاپ لایا گیا تھا۔
لڑکیوں کے مطابق ساحل سلمان نامی شخص نے باس کی آمد کے دوران خلل سے بچنے کا کہہ کر موبائل فون جمع کیے اور فرار ہوگیا۔
پولیس نے وقاص اور نرگس نامی خاتون کو گرفتار کرلیا، جبکہ فرار ملزم ساحل سلمان کی تلاش جاری ہے۔
