ایشیا کپ میں سپر فور مرحلے کے پہلے میچ میں بنگلا دیش نے سری لنکا کو 4 وکٹوں سے شکست دے دی۔

دبئی کرکٹ اسٹیڈیم میں کھیلے گئے میچ میں بنگلا دیش نے 169 رنز کا ہدف 20 اوور میں 6 وکٹوں کے نقصان پر پورا کیا۔

بنگلا دیش کی جانب سے سیف حسن 61 اور توحید ہردوئے 58 رنز بنا کر نمایاں رہے۔ کپتان لٹن داس 23، جاکر علی 9 جبکہ تنزید حسن اور مہدی حسن 0 کے انفرادی اسکور پر پویلین لوٹے۔

شمیم حسین اور نسم احمد بالترتیب 14 اور 1 کے اسکور پر ناٹ آؤٹ رہے۔

سری لنکا کی جانب سے ونندو ہسارنگا اور داسن شناکا نے 2، 2 وکٹیں حاصل کیں جبکہ دشمانتا چمیرا اور نوان تھوشارا 1، 1 کھلاڑی کو آؤٹ کر سکے۔

اس سے قبل بنگلادیش کی دعوت پر بیٹنگ کرتے ہوئے مقررہ 20 اوورز میں 7 وکٹوں کے نقصان پر 168 رنز اسکور کیے۔

سری لنکا کی جانب سے داسن شناکا 64 رنز ناٹ آؤٹ بنا کر نمایاں رہے۔ کوشل مینڈس 34، پتھم نسانکا 22، کپتان چریتھ اسالانکا 21، کوشل پریرا 16، کامل مشارا 5، ونندو ہسارنگا 2 اور کمنڈو مینڈس 1 کے انفرادی اسکور پر آؤٹ ہوئے۔

بنگلادیش کی جانب سے مستفیض الرحمان نے 3، مہدی حسن 2 اور تسکین احمد نے 1 وکٹ حاصل کی۔