ملیر: (شاہد چھجڑو) شاہ لطیف ٹاؤن سیکٹر 20 سی خدیجہ مسجد کے قریب ڈکیتی کی کوشش کے دوران موٹر سائیکل پر سوار 3 نامعلوم ڈاکوؤں نے 18 سالہ نوجوان کو گولی مار کر قتل کر دیا اور فرار ہو گئے۔
مقتول کی شناخت کاشف ولد شوکت اعوان کے نام سے ہوئی ہے۔
اطلاع ملنے پر شاہ لطیف ٹاؤن پولیس موقع پر پہنچ گئی اور ضروری کارروائی کے بعد لاش کو پوسٹ مارٹم کے لیے جناح اسپتال منتقل کردیا۔
ایس ایچ او شاہ لطیف ٹاؤن کے مطابق 3 نامعلوم ڈاکوؤں نے ڈکیتی کے دوران مزاحمت کرنے پر نوجوان کو گولی مار کر قتل کردیا اور فرار ہوگئے۔ ملزمان کی تلاش جاری ہے۔
