اوباڑو (رپورٹ: علی رضا راجپوت) اوباڑو کے گاؤں مکو ڈہر میں اچانک کمزور دیوار گرنے سے پانچ سالہ زینب جاں بحق جبکہ اس کی چھ سالہ بہن راشدہ شدید زخمی ہوگئی۔
ورثاء کے مطابق دونوں بہنیں گھر کے قریب کھیل رہی تھیں کہ دیوار ان پر گر گئی جس کے باعث دونوں ملبے تلے دب گئیں۔ لواحقین اور پڑوسیوں نے انہیں ملبے سے نکال کر ہسپتال منتقل کیا جہاں زینب کی موت کی تصدیق ہو گئی۔
زخمی راشدہ کو مزید علاج کے لیے تشویشناک حالت میں شیخ زید اسپتال رحیم یار خان منتقل کردیا گیا جب کہ واقعے کے بعد گاؤں میں غم کی لہر دوڑ گئی۔
