کراچی (ویب ڈیسک) سندھ ہائی کورٹ نے سندھ پبلک سروس کمیشن کے امتحانی نتائج کے خلاف دائر درخواستوں پر سماعت کرتے ہوئے کمیشن سے تحریری اور زبانی امتحانات کا مکمل طریقہ کار طلب کر لیا ہے۔
سندھ ہائی کورٹ میں ایس پی ایس سی نتائج کے خلاف سماعت کے دوران درخواست گزاروں کی جانب سے ترمیم شدہ ٹائٹل پیش کیا گیا، جس میں امتحانات میں کامیاب قرار دیے گئے امیدواروں کو بھی فریق بنایا گیا ہے۔
عدالت نے کمیشن کو سخت ہدایت کی کہ امتحانی عمل اور نتائج کی تیاری سے متعلق تمام تفصیلات اور مکمل طریقہ کار اگلی سماعت پر پیش کیا جائے۔
عدالت نے معاملے کی مزید سماعت 17 جون تک ملتوی کر دی۔
