[ad_1]
بھارتی فلم اسٹوڈنٹ آف دی ایئر 2 کے معروف اداکار منشیات اسمگل کرنے کی کوشش کرتے ہوئے رنگے ہاتھوں پکڑے گئے۔
بھارتی میڈیا کے مطابق اداکار 32 سالہ وشال برہما کے بیگ سے چنئی ایئرپورٹ پر بھاری مقدار میں منشیات برآمد ہوئی تھی جس کی مالیت 40 کروڑ بھارتی روپے ( ایک ارب 26 کروڑ پاکستانی روپے) ہے۔
وشال برہما سنگاپور سے ایئر انڈیا کی پرواز AI 347 کے ذریعے چنئی پہنچے تھے جہاں ڈائریکٹوریٹ آف ریونیو انٹیلی جنس (DRI) کے اہلکاروں نے تلاشی لی تو میتھاکولون نامی ممنوعہ منشیات برآمد ہوئی۔
تحقیقات کے دوران یہ انکشاف ہوا ہے کہ اداکار کو مبینہ طور پر نائیجیریا کے ایک منشیات فروش گروہ نے بڑی رقم کے عوض یہ بیگ اسمگل کرنے کے لیے استعمال کیا تھا۔
حکام کا کہنا ہے کہ اداکار سے پوچھ گچھ جاری ہے جبکہ بین الاقوامی نیٹ ورک تک رسائی حاصل کرنے کے لیے تفتیش کو مزید وسعت دی جا رہی ہے۔
وشال برہما نے 2019 میں ریلیز ہونے والی فلم اسٹوڈنٹ آف دی ایئر 2 میں اداکاری کے جوہر دکھائے تھے۔
یاد رہے کہ یہ پہلا واقعہ نہیں گزشتہ ماہ ہی رگینی دوویدی اور سنجنا گالرانی بھی اسمگلنگ کے الزام میں گرفتار ہوچکی ہیں۔
ان یہ دونوں اداکارائیں بھی کناڈا فلم انڈسٹری سے تھیں اور بنگلور پولیس نے منشیات ریکٹ کے خلاف کارروائی کے دوران ان کے گھروں پر چھاپے مارے اور انہیں حراست میں لیا۔
اسی طرح مارچ کے مہینے میں بھی ایک اور اداکارہ رانیا راؤ کو بنگلور ایئرپورٹ پر 14 کلوگرام سونا اسمگل کرنے کی کوشش میں گرفتار کیا گیا تھا۔
انھیں اُس وقت حراست میں لیا گیا تھا جب وہ دبئی سے واپس آ رہی تھیں۔ ان سے برآمد ہونے والے سونے کی مالیت تقریباً 12 کروڑ روپے (تقریباً 38 کروڑ پاکستانی روپے) تھی۔
وہ یہ سونا اپنے جسم کے مختلف حصوں پر چھپا کر لائی تھیں۔ بعد میں انکشاف ہوا کہ وہ ایک بین الاقوامی اسمگلنگ نیٹ ورک سے جڑی ہوئی تھیں۔
[ad_2]
Source link
