واشنگٹن/تہران: امریکا نے ایران پر نئے حملے کیے ہیں اور ایرانی تیل کی فروخت پر عائد پابندیوں کو مزید سخت کر دیا ہے، جس پر ایران نے شدید مذمت کرتے ہوئے مناسب جواب دینے کا اعلان کیا ہے۔
امریکی سینٹرل کمانڈ کے مطابق آبنائے ہرمز میں تجارتی جہازوں پر مبینہ ایرانی حملوں کے جواب میں ایرانی فضائی دفاع، میزائل اور ڈرون تنصیبات کو نشانہ بنایا گیا۔
دوسری جانب ایرانی میڈیا کے مطابق جنوبی ساحلی شہر سرک، خارگ، قشم اور بندر عباس میں دھماکوں کی آوازیں سنی گئیں، جبکہ کئی مقامات پر نقصان اور متعدد افراد کے زخمی ہونے کی اطلاعات ہیں۔
ایران کی وزارت خارجہ نے کہا ہے کہ امریکا نے مفاہمتی یادداشت کی خلاف ورزی کی ہے اور ایران اپنے قومی مفادات کے تحفظ کے لیے مناسب جواب دے گا۔
