نواب شاہ: (پ ر) شہید بینظیر بھٹو یونیورسٹی شہید بینظیرآباد کے لیے ہائر ایجوکیشن کمیشن سندھ کی جانب سے 6 ماسٹرز اور 6 پی ایچ ڈی پروگرامز کی منظوری دے دی گئی ہے۔
منظور شدہ ماسٹرز پروگرامز میں ایم ایس انگلش لسانیات، ایم ایس کمپیوٹر سائنس، ایم ایس میڈیا اینڈ کمیونیکیشن اسٹڈیز، ایم فل اکنامکس، ایم فل سندھی لینگویج اینڈ لٹریچر اور ایم ایس انفارمیشن ٹیکنالوجی شامل ہیں۔
جبکہ پی ایچ ڈی پروگرامز میں جینیٹکس، انفارمیشن ٹیکنالوجی، سندھی لینگویج اینڈ لٹریچر، مینجمنٹ سائنسز، اکنامکس اور کیمسٹری شامل ہیں۔
وائس چانسلر انجینئر پروفیسر ڈاکٹر مدد علی شاہ نے کہا کہ یہ کامیابی ٹیم ورک، محنت، لگن اور باہمی تعاون کا نتیجہ ہے۔ نئے پروگرامز کی منظوری سے طلبہ کے لیے اعلیٰ تعلیم اور تحقیق کے مزید مواقع پیدا ہوں گے اور یونیورسٹی کا تعلیمی و تحقیقی معیار مزید بلند ہوگا۔
