فیڈرل بورڈ آف ریونیو (ایف بی آر) نے مارکیٹوں کے ریٹیل آؤٹ لیٹس اور ای کامرس کیش آن ڈلیوری (سی او ڈی) آرڈرز کے لیے نقد ادائیگیوں کی زیادہ سے زیادہ حد 2 لاکھ روپے مقرر کر دی ہے۔ بزنس ریکارڈر کے مطابق ایف بی آر کے جاری کردہ انکم ٹیکس سرکلر نمبر 02 برائے 2025-26 میں واضح کیا گیا ہے کہ نقد ٹرانزیکشن کی یہ حد ریٹیل آؤٹ لیٹس اور سی او ڈی آرڈرز، دونوں پر یکساں طور پر لاگو ہوگی۔ حکومتی اقدام کا مقصد ملک میں کیش لیس معیشت کے فروغ کو یقینی بنانا ہے۔