[ad_1]
پاکستان اور سری لنکا کے درمیان تین ٹی ٹوئنٹی میچز کی سیریز کا پہلا مقابلہ ہوا جس میں پاکستان نے سری لنکا کو با آسانی6 وکٹوں سے شکست دے کر سیریز 0-1 کی برتری سے جیت لی۔
سری لنکا نے پہلے بیٹنگ کرتے ہوئے پاکستان کو جیت کیلیے129 رنز کا ہدف دیا تھا، ہدف کے تعاقب میں پاکستان نے بیٹنگ کرتے ہوئے 17 ویں اوورمیں 4 وکٹوں کے نقصان پر پورا کرلیا۔
دمبولا انٹرنیشنل اسٹیڈیم میں پاکستان نے سری لنکا کے خلاف ٹاس جیت کر پہلے بولنگ کا فیصلہ کیا۔ پاکستانی ٹیم کے کپتان سلمان علی آغا نے ٹاس جیتنے کے بعد میزبان سری لنکا کو پہلے بیٹنگ کی دعوت دی۔
سری لنکا کی ٹیم آخری اوور میں 128 رنز بناکر آؤٹ ہوگئی اور اس میچ کے دوران جنتھ لیانگے 40 رنز کے ساتھ نمایاں رہے، اب پاکستانی ٹیم کی 129 رنز کے ہدف کے تعاقب میں بیٹنگ جاری ہے۔
میچ میں پاکستان کی فائنل الیون کا بھی اعلان کردیا گیا ہے جس میں آل راؤنڈر شاداب خان کی واپسی ہوئی ہے جو طویل عرصے بعد ٹی ٹوئنٹی ٹیم کا حصہ بنے ہیں۔ شاداب خان کی شمولیت سے ٹیم کے بولنگ اور بیٹنگ شعبے میں مزید توازن آنے کی امید کی جا رہی ہے۔
پاکستانی ٹیم میں صائم ایوب، صاحبزادہ فرحان، کپتان سلمان علی آغا، فخر زمان اور عثمان خان شامل ہیں، جبکہ آل راؤنڈر محمد نواز اور فہیم اشرف بھی پلیئنگ الیون کا حصہ ہیں۔ بولنگ اٹیک کی ذمہ داری محمد وسیم جونیئر، سلمان مرزا اور اسپنر ابرار احمد کو سونپی گئی ہے۔
سری لنکا کی اننگز:
پاکستان کی شاندار بولنگ کی بدولت سری لنکا کی ٹیم 19.2 اوورز میں 128 رنز بناکر آؤٹ ہوگئی، سری لنکا کی جانب سے جنتھ لیانگے نے 40، ہسارنگا اور اسالانکا نے 18،18 رنز بنائے۔
پاکستان کی جانب سے سلمان مرزا اور ابرار احمد نے 3،3 جبکہ شاداب خان اور محمد وسیم نے 2،2 وکٹیں حاصل کیں۔
پاکستان کی اننگز:
پاکستان نے سری لنکا کا 129 رنز کا ہدف با آسانی 4 وکٹوں کےنقصان پر حاصل کرلیا، پاکستان کی جانب سے صاحبزادہ فرحان 36 گیندوں پر 51 رنز کے ساتھ نمایاں رہے جبکہ صائم ایوب 24 رنز بنانے میں کامیاب ہوئے۔
سلمان علی آغا 16 اور فخر زمان 5 رنز بناکر آؤٹ ہوئے۔شاداب خان 18 اور عثمان خان 7 رنز بناکر ناقابل شکست رہے۔
[ad_2]
Source link
