کراچی: کراچی کے علاقے لی مارکیٹ میں 6 سالہ محمد ولی کو اغوا کے بعد مبینہ زیادتی کا نشانہ بنا کر قتل کر دیا گیا۔ پولیس نے ملزم حمزہ کو گرفتار کر کے مزید تفتیش شروع کر دی ہے۔
پولیس کے مطابق محمد ولی پیر کی شام گھر سے چیز لینے نکلا تھا، جس کے بعد لاپتا ہوگیا۔ اہل خانہ کی شکایت پر اغوا کا مقدمہ درج کیا گیا، جبکہ منگل اور بدھ کی درمیانی شب بچے کی بوری بند لاش گھر کے قریب سے برآمد ہوئی۔
ڈی آئی جی ساؤتھ اسد رضا کے مطابق گرفتار ملزم مقتول کا پڑوسی ہے۔ ابتدائی تحقیقات میں انکشاف ہوا ہے کہ ملزم نے مبینہ طور پر بچے سے زیادتی کے بعد اسے قتل کیا۔ اہل خانہ نے ملزم کو سخت سزا دینے اور انصاف فراہم کرنے کا مطالبہ کیا ہے۔
