گمبٹ: کوٹ ڈیجی کے علاقے نارو ڈھورو میں 7 سالہ معصوم بچی کو گلا کاٹ کر قتل کرنے کے مقدمے میں پولیس نے ملزم والد کو گرفتار کرلیا۔
پولیس کے مطابق ملزم غلام نبی (غلام علی) ڈوگر نے گزشتہ رات اپنی بیٹی فاطمہ کو قتل کیا اور موقع سے فرار ہوگیا تھا، جسے کارروائی کے بعد گرفتار کرلیا گیا۔
پولیس کا کہنا ہے کہ ابتدائی تفتیش کے مطابق بچوں کے درمیان ہونے والی لڑائی کے بعد ملزم مبینہ طور پر مخالفین کو پھنسانا چاہتا تھا، جس پر اس نے اپنی بیٹی کو قتل کیا۔
پولیس نے ملزم کے قبضے سے واردات میں استعمال ہونے والا بلیڈ بھی برآمد کرلیا ہے، جبکہ مزید تحقیقات جاری ہیں۔
