اوستا محمد (ویب ڈیسک): اوستا محمد کے بائی پاس والے علاقے میں غیرت کے نام پر شوہر نے فائرنگ کر کے اپنی بیوی کو بے رحمی سے قتل کر دیا۔
رپورٹ کے مطابق ملزم ضمیر بلیدی نے مبینہ طور پر کارو کاری (سیاہ کاری) کے الزام کے تحت اپنی بیوی پر سیدھی فائرنگ کی، جس کے نتیجے میں خاتون موقع پر ہی دم توڑ گئی۔ واقعے کے بعد ملزم ہتھیار سمیت فرار ہونے میں کامیاب ہو گیا۔
دوسری طرف اطلاع ملنے پر پولیس نے لاش کو تحویل میں لے کر اسپتال منتقل کیا، جہاں ضروری قانونی کارروائی کے بعد لاش وارثوں کے حوالے کر دی گئی ہے۔ پولیس کے مطابق ملزم کی گرفتاری کے لیے چھاپے مارے جا رہے ہیں۔