ٹھل (ویب ڈیسک): ٹھل کے اے سیکشن تھانے کی حدود میں واقع گاؤں عودی میں وڈیرے کے بیٹے کی مبینہ فائرنگ سے ایک نوجوان گولیاں لگنے کے باعث موقع پر ہی تڑپ تڑپ کر جاں بحق ہو گیا۔
ملنے والی معلومات کے مطابق وڈیرے کے بیٹے نے مبینہ طور پر نشے کی حالت میں فائرنگ کر دی، جس کے نتیجے میں وہاں موجود نوجوان نعمان ولد فیض محمد کوری کو گولیاں لگیں اور وہ موقع پر ہی دم توڑ گیا۔ واقعے کے بعد پورے علاقے میں خوف و ہراس پھیل گیا اور کشیدگی کی صورتحال پیدا ہو گئی۔
دوسری طرف اطلاع ملنے پر اے سیکشن پولیس نے جائے وقوعہ پر پہنچ کر مقتول نوجوان کی لاش اپنی تحویل میں لی اور ٹھل کے تعلقہ اسپتال منتقل کی، جہاں ضروری کارروائی کے بعد لاش وارثوں کے حوالے کر دی گئی۔ لاش گھر پہنچنے پر کہرام مچ گیا اور مقتول کے گھر میں رونا پیٹنا پڑا ہوا ہے۔