گمبٹ: کھڑا کے علاقے غریب آباد سے ڈیڑھ ماہ قبل پراسرار طور پر لاپتا ہونے والی 30 سالہ شادی شدہ خاتون رخسانہ کھوڑو کا تاحال کوئی سراغ نہیں مل سکا۔
خاتون کی والدہ حاجل خاتون نے بتایا کہ وہ شادی کی تقریب میں شرکت کے لیے گاؤں گئی تھیں، واپسی پر معلوم ہوا کہ ان کی بیٹی گھر میں موجود نہیں۔
انہوں نے شبہ ظاہر کیا کہ ان کی بیٹی کو اغوا کیا گیا ہے۔ ان کا کہنا ہے کہ وہ غریب بیوہ ہیں اور کئی کوششوں کے باوجود بیٹی کا کوئی پتا نہیں چل سکا۔
واقعے کی اطلاع کھڑا تھانے میں این سی کے ذریعے دی گئی، تاہم پولیس تاحال خاتون کو بازیاب نہیں کراسکی۔
خاتون کی والدہ نے ڈی آئی جی سکھر اور ایس ایس پی خیرپور سے اپیل کی ہے کہ معاملے کا نوٹس لے کر ان کی بیٹی کو بازیاب کرایا جائے۔
