امیر جماعت اسلامی پاکستان حافظ نعیم الرحمن نے پریس کانفرنس میں کہا کہ کراچی کو 15 ہزار بسوں کی ضرورت ہے، مگر اس وقت صرف 400 بسیں چل رہی ہیں، جبکہ ریڈ لائن منصوبہ 2030 تک مکمل ہوتا نظر نہیں آ رہا۔ انہوں نے کہا کہ کے فور منصوبے کے لیے 40 ارب روپے درکار ہیں اور سندھ سالڈ ویسٹ میں کرپشن عروج پر ہے۔ ان کا کہنا تھا کہ اب عوام سڑکوں پر نکلے گی کیونکہ کراچی کی ڈیڑھ کروڑ آبادی کو پیپلز پارٹی، ایم کیو ایم اور ن لیگ نے نظر انداز کر دیا ہے۔ حافظ نعیم نے مزید الزام لگایا کہ پیپلز پارٹی لسانی تعصب کو فروغ دے رہی ہے جبکہ ایم کیو ایم کو عوام نے مسترد کر دیا ہے۔