گڑھی خیرو (رپورٹ: علی نواز ملغانی): دائوجھانپور کے قریب تاجو ڈیرو تھانے کی حدود میں الحاج نبی بخش خان اوڈھو کی رائس مل پر نامعلوم مسلح افراد نے رات گئے دھاوا بول کر چوکیدار مکھنو بروہی کو یرغمال بنا لیا۔
ڈاکو رائس مل سے ٹرانسفارمر کی قیمتی کوائلیں اور چوکیدار کی موٹرسائیکل لوٹ کر فرار ہو گئے۔
واقعے کی اطلاع ملتے ہی مقامی افراد بڑی تعداد میں جائے وقوعہ پر پہنچ گئے، جبکہ تاجو ڈیرو پولیس نے بھی موقع پر پہنچ کر تفتیش شروع کر دی۔ پولیس نے شواہد اکٹھے کرتے ہوئے جائے وقوعہ سے فنگر پرنٹس بھی حاصل کر لیے ہیں۔
ایس ایچ او علی اکبر ملک کے مطابق فنگر پرنٹس کی رپورٹ آنے کے بعد مزید حقائق سامنے آئیں گے۔ انہوں نے کہا کہ واقعے کے ہر پہلو سے تحقیقات جاری ہیں اور امید ہے کہ ملوث ملزمان کو جلد گرفتار کر کے قانون کے کٹہرے میں لایا جائے گا۔
