شکارپور: (عتیق ڈھیڑ) تھانہ گھیجہ کی حدود میں گاؤں جٹاں میں جمالی برادری کے دو گروپوں میں تصادم ہوا، اس دوران فائرنگ سے علی حسن جمالی موقع پر جاں بحق ہوگیا۔
اطلاع ملنے پر پولیس نے موقع پر پہنچ کر متوفی نوجوان کی لاش کو مدیجی اسپتال منتقل کیا، جہاں سے ضروری کارروائی کے بعد لاش ورثاء کے حوالے کردی گئی۔
لاش گاؤں پہنچنے پر ورثاء میں شدید غم و غصہ پایا جاتا ہے۔ پولیس کے مطابق واقعے کی تحقیقات شروع کردی گئی ہیں، آخری اطلاعات تک واقعے کا مقدمہ درج نہیں کیا جاسکا۔
