2 گھنٹے قبلامریکہ، ایران مفاہمتی یادداشت کے بعد تکنیکی مذاکرات 21 جون کو سوئٹزر لینڈ میں ہوں گے: پاکستانی وزارتِ خارجہ کی تصدیق
پاکستان نے تصدیق کی ہے کہ امریکہ اور ایران کے درمیان بدھ کو طے پانے والی مفاہمتی یادداشت پر عمل درآمد کے لیے تکنیکی مذاکرات اتوار کو سوئٹزر لینڈ کے شہر برگن شٹاخ میں ہوں گے۔
پاکستانی وزارتِ خارجہ کی جانب سے جاری بیان میں کہا گیا ہے کہ تکنیکی مذاکرات میں امریکہ، ایران کے علاوہ اس معاملے میں ثالث پاکستان اور قطر کے نمائندے بھی شریک ہوں گے۔
بیان میں کہا گیا ہے کہ پاکستان اس معاملے میں ثالثی کا کردار نبھاتا رہے گا اور اسلام آباد مفاہمتی یادداشت کو آگے بڑھانے کے لیے اپنا تعاون جاری رکھے گا۔
