کراچی: (ویب ڈیسک) محکمہ موسمیات نے سندھ سمیت ملک کے مختلف علاقوں میں تیز ہواؤں، گرد و غبار کے طوفان اور گرج چمک کے ساتھ بارشوں کی پیشگوئی کر دی۔
موسمیاتی پیشگوئی کے مطابق سندھ کے مختلف اضلاع میں بارش کا امکان ہے، جبکہ بعض علاقوں میں تیز ہواؤں اور گرد آلود طوفان سے نقصان کا خدشہ بھی ظاہر کیا گیا ہے۔
پی ڈی ایم اے سندھ کے مطابق تھرپارکر، عمرکوٹ، میرپورخاص، بدین اور ٹنڈو محمد خان سمیت دیگر اضلاع میں گرج چمک کے ساتھ بارش کا امکان ہے، جبکہ حیدرآباد، جامشورو، نواب شاہ، سکھر، لاڑکانہ اور جیکب آباد میں بھی بارش متوقع ہے۔
موسمی صورتحال کے پیش نظر انتظامیہ کو الرٹ رہنے، نکاسی آب اور ہنگامی صورتحال سے نمٹنے کے لیے تیاریاں مکمل رکھنے کی ہدایات جاری کر دی گئی ہیں۔
محکمہ موسمیات کے مطابق کراچی میں ہلکی بارش کا امکان ہے۔
