کراچی (رپورٹر) گلشن اقبال بیت المکرم مسجد کے قریب ریڈ لائن منصوبے کے زیر تعمیر پل کا ڈھانچہ گرنے سے ایک شخص جاں بحق اور ایک زخمی ہوگیا۔
ریسکیو حکام کے مطابق ملبے تلے دب کر جاں بحق ہونے والا شخص زیر تعمیر پل پر تعینات سیکیورٹی گارڈ تھا۔
لاش کو قانونی کارروائی کے لیے اسپتال منتقل کردیا گیا، جبکہ زخمی کو طبی امداد فراہم کی جارہی ہے۔
حادثے کے بعد سوک سینٹر سے نیپا جانے والی سڑک ملبہ ہٹانے اور سرچ آپریشن کے باعث ٹریفک کے لیے بند کردی گئی۔
